編者:陳妍茵
2020-03-11(黃藍商店)
詳細資料 |
|
名稱 | Coffee Break |
立場 | 立場有爭議之商家 |
店舖類型 | 飲食 |
地址 | 旺角通菜街2Q-2Z號鴻輝大廈地下4號舖 |
資料來源 | 終極黃藍地圖 |
以下為整合之商家資料:
【只屬傳言】
網友1報料指:
呢間餐廳叫Coffee Break,係旺角女人街入面,個老闆係藍扮中立扮無睇法,經常性話唔應該將政治帶入生意入面。又成日係度講你地啲人搞事唔緊要呀,最緊要唔好係旺角搞到佢做唔到生意,如果搞到要拉閘就唔係咁好啦!因為我地大部分同事基本上都係黃,同埋成日係鋪頭睇直播。我地成日圍埋傾啲狗週圍發癲,佢就會話我地諗野偏激警察都係打份工啫,唔好一竹竿打一船人。最嬲果次就係我地講開新屋嶺有女仔俾啲狗搞,佢個仆街聽到,係度話‘嘩!有啲咁正嘅野又無我份嘅,預埋我呀嘛’
網友2報料指:老闆唔俾人戴口罩
資料來源:https://lihkg.com/thread/1625208/page/1
【老闆/店員私下言論】
澄清:
本人係Coffee Break負責人。首先重申,我絕對冇諗住偽裝成黃店黎增加收入。我今次澄清係因為比人屈,唔係因為為左增加收入,希望明白.平時同事因為去發夢而遲返/早走我地都有彈性處理,係佢地示威其間及之後亦有關心問候。
[新屋嶺指控]
一樓樓主對我有關新屋嶺事件受害者既指控,話我對警員強姦被捕少女一事留言「有啲咁正嘅野又無我份嘅,預埋我呀嘛」,完全係不實指控。咁殘格泯滅人性既說話我冇講過。我個人立場係警員利用其身份不法施暴(包括性暴力)都係唔係人既行為。本人接受唔到攞相關事件來誣陷我,尊重受害者。
[六一二事件]
六一二個日我哋公司都大部份同事想參與,我哋早一個禮拜已經同員工講咗當日會休息,比員工有政治參與自由去示威。有人指我地係因為裝修先休息,我地official既理由係裝修但係咁多日唔裝,搵六一二個日裝修已經係畫公仔畫出腸。六一二個日Big Five 匯豐個D都唔係用示威理由罷工架啦。如果我係深藍又點會簡六一二裝修?我簡六一一/六一三裝強制員工六一二返工唔好?
[八月三/八月五]
我係八月二就已經通知同事8月3號當天會休息
八月五個日有四個同事最先返左工,但我已盡快地通知其他同事停止返工,個日我地冇接任何生意。之後其實好多示威日子我哋都有安排同事早走或者店舖休息。
[員工戴口罩處理方法]
我的確係唔比樓面同事戴口罩,因為口罩會令落單或者解釋可能會導致客人聽得唔清楚,服務業要有既笑容都會比口罩遮住比唔到客人有親切既感覺。可能當天其中一位廚房工作的員工人聽到一半的對話內容對我們公司有些誤解,其實當天跟同事們解釋,同事們和公司都有達成一些共識。但無論如何事件發生至今引起誤會或不滿我亦向大家深表歉意,亦希望藉着這裏解說能夠解除大家對公司既疑慮。
最後想講,如果我比人哋擺上台令到有人罷食我唔介意。我介意既係比人誣陷,澄清係因為指控不實。我認為我地分藍黃店都要有足夠理據去分。否則會變左行家互相打壓既工具。其實熟悉我哋好多客人都有幫手投票只係因為剛好那幾天有活動我們休息導致有些人不知道事情真相投錯票.希望明白謝謝你
資料來源:https://lihkg.com/thread/1625208/page/1
最後更新:2022-06-03
黃藍商店
以下為整合之商家資料:【只屬傳言】網友1報料指:職員話唔俾喺戲院入面商場欄杆唱同叫口號, 如果唱歌要申請喎 網友2報料指:我係唔俾唱歌既當事人, 係9月12日去movie movie 睇9:50場次, 因為當時未開場去欄杆位置睇住樓下跟住唱歌, 唱唱下有moviemovie 工作人員停止我唱, 原因係冇申請係唔可以唱歌喎, 仲俾張card 叫我去cs申請。之後我跟下面大叫完光復香港時代革命就入場睇 ...
黃藍商店
以下為整合之商家資料:【官方資訊】官方facebook表示(原文已刪去): 今日有些網上消息,令到本公司和本人的政治立場有所歪曲, 本號老爺冰室在此聲明, 本號和老鳳冰室絕無任何關係, 本號獨立經營及立場不同。我愛自由,香港是我家。資料來源:https://www.facebook.com/photo.php?fbid=10219071126385813&set=p.10219071126 ...
黃藍商店
以下為整合之商家資料:【餐廳種類】港式:麵包店 【只屬傳言】藍店報料:有網友報料指「老闆成班人都係當年大陸落黎香港 (包括佢老婆都係大陸人加係大陸做嘢) 一到大時大節成班朋友/親戚聚埋一齊食飯 就會開始係度講班手足係暴徒 話佢地「搞爛曬我地嘅家園」要拖去槍斃 一路睇住CCTVB一路鬧, 極度仆街」 黃店報料:另外有網友指「我有add店主個人FB, 都有見佢share 一D post鬧政府唔做野/廢 ...