麵屋元祖達摩:立場有爭議之商家(飲食)

編者:陳妍茵

2020-01-13(黃藍商店)

所屬分類: 立場有爭議之商家

詳細資料

名稱 麵屋元祖達摩
立場 立場有爭議之商家
店舖類型 飲食
地址 大埔太和路15號太和中心地下12號舖
資料來源 終極黃藍地圖

以下為整合之商家資料:

【只屬傳言】
網友1報料指: 没有網址,只係個人親身經歷。件事發生得太快,嚟唔切拍片錄音。今日同男朋友去呢間野度食拉麵,平時都有同男友去開呢間野,係幾好食,但而家唔去啦。頭先間野好多人,我地被安排坐喺bar枱,有個肥肥地三十歲左右嘅長頭髮嘅女侍應應承我地話有人走就比個卡位我地坐,但最終佢比咗個位其他遲過我地嚟嘅人坐 我問佢點解,佢話佢唔記得咗,然後諗住趕走一枱本身有兩個女仔嘅,讓個卡位比我地坐。 我唔想麻煩到佢地,拒絕咗佢地。 我覺得我好似好麻煩咁,想同個侍應解釋返點解我唔肯比人「讓座」,然後個女侍應就開始發脾氣,話「我已經幫緊你地解決問題啦,仲喺度嘈」我想同佢講唔係呢個問題。 個女侍應就突然好大聲咁同入面個男侍應講「過嚟啊,拍片啊!有暴徒想嚟搞事啊!!報警啊!!」 個男侍應就埋嚟好好好好好大聲咁凶我地「係咪想搞事啊?有位坐你就好坐啦!仲喺度嘈乜野」。我地唔想搞大件事,所以就走咗。咁抗拒暴徒嘅,唔係藍,冇理由係黃嘅。

【老闆/店員私下言論】
網友2報料指: 網友1講嗰個係我個朋友,喺達摩做咗兩年,仲有一個仲做緊不過唔想出樣,佢話大把同事讀大學兼黃,被抹黑做藍店 大致上個件事係個女侍應係店長,讓卡位係唔小心俾咗一對年紀大嘅夫婦,但係因為真係唔小心所以先唔記得調佢哋去卡位,之後有一個卡位係一pair女仔open rice食完好耐傾緊計,店長就問佢兩個可唔可以同bar台兩個調位,嗰兩個女仔話ok冇問題,然後投稿話達摩係藍點嘅女仔就發爛渣話一定要坐啱啱嗰個位,一直講,店長一直道歉,然後個女仔jer住係咁發爛渣 店長係冇講過任何暴徒之類嘅字眼 係咁啱另外一個男店員喺到就即刻衝出嚟一齊道歉,個女仔突然嬲到彈起身九十度鞠躬問店長:「你宜家則係話緊係我問題啦!」 成個過程個女仔隔離個男仔係冇出過聲,之後個女仔扯起個男仔撳住佢個頭話:「你同我一齊九十度鞠躬啦!」之後埋單個女仔同店長都係有拗撬,店長就叫個男店員出嚟拍片,有人搞事,咁講,男店員即刻衝出嚟大叫:「喂,你玩完未呀!我同事已經同你道歉咗好多次㗎啦,你仲想點呀!你食完嘢你仲搞,搞咩呀你!」 之後個女仔收咗皮,咿咿扲扲咁走咗,店長話在場嘅人都覺得個女仔怪怪哋,話個女仔癲癲哋好似特登攪事,之後店長keep住同open rice 個啲講係個女仔專登想攪事,呢件事係我投稿呢個時間之前個幾月發生,店長就話一直冇表態藍定黃都係打份工啫,大老細就有啲藍呢個真,個晚做樓面個女仔極深黃,仲有就係個晚啲食客其他嗰幾枱店長都算熟,有一枱店長唔熟嘅一家人之後埋單都話如果俾人唱衰會幫手澄清,冇夾埋造假,一直店長都冇主動澄清因為清者自清但係冇諗過個女仔咁卑鄙,我都去過食過幾次,店長好nice。

本資料是從坊間各黃藍商店資料庫自動同步至本站資料庫,如有任何地方需要修改,請先向資料來源方反映,本站將定期自動更新資料。

最後更新:2022-06-03

相關資料

鮨廷:立場有爭議之商家(飲食)

黃藍商店

以下為整合之商家資料:【老闆/店員私下言論】網友指:老板係網台D100主持杜浚斌, 參與6月遊行資料來源:https://www.facebook.com/971953966212537/posts/2817590001648915/【只屬傳言】網友1指:老闆, 經理及員工同藍絲客人大大聲話學生收錢, 學生被人煽動, 撐警。 網友2指:有次食晏去咗呢間立食壽司, 裏面靜係得我同另一位藍絲客人, 本 ...

Steak’er:立場有爭議之商家(飲食)

黃藍商店

以下為整合之商家資料:【只屬傳言】網友報料指: 個人經歷:我同朋友都食開但好少見老闆喺度,有一次個老細話d示威者收錢,又話佢地搞事,講咗好耐,我同個fd都好嬲 但該店報料澄清: 本公司對於被列入藍色商店感到驚訝 本公司在這場社會運動上 絕無表示任何政治立場 亦不支持警方現時處理手段 對於公司好少見老闆係度及被指老細話示威者收錢搞事的不實報料 感到可惜 事實上老闆每天都會在場 亦沒有說過示威者收錢搞 ...

A3食館:立場有爭議之商家(飲食)

黃藍商店

以下為整合之商家資料:【只屬傳言】網民報料指: 2月4日去食左個蒸黃立倉午餐,店員之間仲係度讚林鄭,話佢好叻,年年考第一,好多男人都做唔到,唔明d人點解要鬧佢! 我聽完火都起,即時走人埋單兼鬧佢地,林鄭害到香港人咁慘仲讚佢?希望呢間店快d執! 老闆回應: 個女仔話林鄭呢個女人好犀利,話佢小時讀書一定要考第一,考第二都會喊,就係咁多啦,我哋都鬧林鄭同政府㗎啦,唔係佢哋點會搞到咁樣個男仔聽啲又唔聽啲, ...